Vazhdon seanca e Kuvendit ku po debatohet për Propozimin evropian

22:33 | 2 Mars 2023
K.B

Me 15 minuta vonesë ka nisur seanca e thirrur për raportim të kryeministrit Albin Kurti për dialogun me Serbinë në Bruksel.

Deputetët e Kuvendit të Kosovës kanë vazhduar seancën, në të cilën po debatohet për përmbajtjen e Propozimit evropian për normalizimin e marrëdhënieve mes Kosovës dhe Serbisë.

Seanca u ndërpre gjatë ditës me kërkesë të kryeministrit Albin Kurti që për tri orë u përplas me deputetë opozitare për planin evropian, për të cilin u pajtua të hënën në Bruksel.

Në orën 16:00 kryeministri Kurti u largua nga seanca ashtu siç i paralajmëroi deputetët, porse ua dha një propozim që të ktheheshin në orën 22:00 në seancë.

Me disa vështirësi u vendos që deputetët ta vazhdojnë debatin në atë kohë.

Kurti nisi të raportonte pas mocionit të Lidhjes Demokratike të Kosovës. Gjatë ditës, opozita e akuzoi kryeministrin se ka pranuar një marrëveshje të dëmshme për Kosovën./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm